Aksident rrugor në Durrës, humb jetën 68-vjeçarja

nga **Mira** Tue Sep 22, 2009 8:55 am

Një aksident me pasojë vdekjen ndodhi paraditen e sotme në afërsi të Shkozetit, në Durrës. Viktima, 68 vjeçarja Naflije Laçi, udhëtonte si pasagjere në autoveturën tip Benz, me targë KJ 6734 A, që drejtohej nga 47 vjeçari, Namir Gjoçi. Ky i fundit për të shmangur përplasjen me një këmbësore devijoi nga rruga dhe si pasojë automjeti përfundoi në kanal. Si pasojë i këtij aksidenti ka marrë plagë drejtuesi i autoveturës dhe dy persona të tjerë që udhëtonin me te.