Pasojat e ushqimit të pasur me yndyra

nga **Webmaster** Mon Sep 14, 2009 4:34 am

Hulumtimet e reja në minj kanë treguar se ushqimet e pasura me yndyra dukshëm ulin qëndrueshmërinë dhe aftësitë mentale edhe atë pas vetëm 9 ditësh ushqimi.

Shkencëtarët mendojnë se prania e sasive të larta të yndyrave në ushqim ndikon negativisht në efektivitetin e muskulit të zemrës dhe kështu ta ulë qëndrueshmërinë e organizmit.

Ushqimi yndyror do të thotë kur yndyrat përbëjnë rreth 55% të energjisë së përgjithshme ditore dhe, edhe pse kjo është vështirë për t’u arritur, nuk është e pazakonshme, veçanërisht në vendet e perëndimit, që yndyrat të sigurojnë madje edhe më shumë energji.

Ky studim është i realizuar në kafshë, por rezultatet paraprake në njerëz po ashtu japin rezultate të ngjashme.