Lë nipin dhe mbesën dhe shkon të luajë kumar

nga **Webmaster** Tue Sep 15, 2009 9:58 pm

Lë nipin dhe mbesën dhe shkon të luajë kumar
Një gjyshe në Florida është dënuar me 14 muaj burg shtëpiak sepse i ka lënë nipin dhe mbesën e saj vetë në automjetin e parkuar dhe ka shkuar në lokalin më të afërt të kumarit, njofton "Associated Press".

Autoritetet e Floridës kanë njoftuar se në gushtin e vitit të kaluar, 54-vjeçarja kishte parkuar automjetin e saj në afërsi të kazinos Hallandale Beach, kishte hapur dritaret dhe kishte ndalur klimën.

Pas një kohë shumë të shkurtër, njerëzit që kalonin kishin parë një vajzë dyvjeçare dhe një djalë 14-vjeçar që po qëndronin vetëm në veture. Ata kanë reaguar duke thirrur rojet e kazinos dhe pastaj është thirrur edhe policia.

Prokurori për këtë rast ka thënë se gruaja është dënuar për shkak të veprimit të keq ndaj fëmijëve.